中環出更：沉「靜」多時 傳終為貿發局出山
政制及內地事務局前副局長黃靜文（Adeline）去年約滿不再續任中華廠商聯合會（廠商會）行政總裁後，一直未有新動向。我哋收到風，Adeline將於本月底復出，擔任香港貿易發展局（貿發局）助理總裁。適逢本月廿九日貿發局將舉行傳媒新春聚會，屆時貿發局各部門主管及高層都會傾巢而出，不知到時Adeline會否現身見大家呢？
Adeline去年五月離開廠商會後，不時傳出有工「搵上門」，例如遴選平等機會委員會主席時，曾有獵頭公司向她招手，又聽聞港鐵設立公司事務總監新職位時，亦曾考慮找Adeline，惟最終由時任香港工業總會總裁嘅蘇家碧出任。
揀擇工作 不想繁重
據悉Adeline不想背負太大工作壓力，故對於新工作比較多揀擇。Adeline離開廠商會之後，曾經講過不想做太繁重的工作，尤其是經常要飛來飛去的工作，因為她想過逍遙一點的生活，可以得閒放假打最愛的高爾夫球。
據聞今次是貿發局總裁方舜文（Margaret）親自找Adeline加入。Margaret與Adeline都係政務主任（AO）出身，兩人分別於○九年及一二年離開政府，可能大家背景差不多，特別投契，所以先至吸引Adeline應承復出。本報曾向Adeline求證，惟至截稿前仍未回覆。
卓妮