北角：花舖霸路擺花食署有責
「間花舖好似以為出面條行人路都係佢舖頭咁，行人路兩邊都放咗幾十盆盆栽，搞到我哋經過都要就住就住！如果因為間舖太細冇位放，咁應該自己諗辦法，而唔係霸公眾地方嚟用！」北角居民鄧先生指早前經過城市花園道，發現有店舖佔用行人路展示貨物，令路面收窄，對行人造成不便。
署方：已檢控店舖
食物環境衞生署發言人表示，接獲本報轉介後，已派員巡查上址，發現投訴所指的店舖於舖前行人路放置小量盆栽，已檢控店舖負責人及檢走涉案貨物。
「希望食環署平時都可以巡多啲，等啲舖頭執番正啦！」鄧先生要求食環署多加注意店舖的阻街問題，以保持街道整潔暢通。