屋邨爆喉懶修房署擬拖過年
年近歲晚爆水喉，房署卻拖延處理！彩虹彩輝邨有樓層走廊鹹水喉爆裂滲水，住戶不滿向房署反映後，竟獲覆需待春節過後始安排維修，期間十多天滲漏日益嚴重，地面濕滑隨時令居民跌倒受傷，出入難保平安。房署在接獲轉介的同日旋即完成維修。有區議員批評房署漠視居民安全，且爆水管問題一旦惡化，隨時殃及全層單位，要求房署加強管理及檢討處理程序。
「投訴咗成十幾日，佢（房署）話要新年後先派到人嚟整！啲鹹水喺咁漏出嚟，成地都濕晒，啲親戚朋友上嚟拜年都唔知點算！」居於彩輝邨彩葉樓的丁先生表示，上月走廊鹹水喉爆裂，最初只有輕微滲漏，其後滴水愈見頻密，擔心滲水問題持續下去，會波及單位內牆及屋內。
轉介後彩葉樓即修妥
丁曾向房署投訴，對方竟表示需待春節假期過後才可安排維修，期間只派員為走廊清理積水。丁指現時走廊地面一片濕滑，擔心有長者住戶因而滑倒受傷；加上春節將至，亦難以招呼親友到訪。
記者於二月四日下午到上址視察，涉事鹹水喉滲漏位置被人以毛巾綑紮，卻未能制止滴水情況，另有膠桶盛載水滴，而水管其他位置亦出現水珠。走廊地面濕滑及有積水，旁邊則放有用以清理積水的用具。
本報同日將個案轉介房屋署，翌日接獲彩輝邨物業服務辦事處發言人回覆指，相關維修已於二月四日完成。發言人承認，於一月下旬得悉彩葉樓有樓層走廊鹹水喉管有輕微滲漏情況，並隨即安排工程承辦商到涉事樓層進行檢查及安排維修。至於有否向住戶表示需待新春過後才安排維修，發言人則未有正面回應。
區議員：拖廿日難接受
「早兩日上嚟睇，桶水都要兩個鐘先裝滿，今日嚟已經一個鐘就裝滿，可見個情況係愈嚟愈嚴重，如果一陣去到爆喉嗰個程度就唔止地下濕滑咁簡單！」當區區議員蔡子健批評房署拖延維修，未有顧及居民出入的安全問題，加上新春期間有不少人上門拜年，「依家就淨係治標唔治本搵人嚟掃下水，但個地下都仲係濕同有水，一陣跣親人咁邊個負責！其實有街坊話成廿日前已經同你（房署）投訴，點解要拖咁耐都唔開始工程，仲要等到新年後，完全唔可以接受！」
記者：蘇敏婷