政情：情人節落區 「蕙」要陪街坊

雖然游蕙禎女神形象煞食，不過對地區工作似乎無咩幫助。佢話，做地區服務最重要係同街坊打好關係，大時大節要同佢哋一齊過。好似農曆新年，就要整新潮揮春派街坊。今年情人節適逢大年初七，唔知佢會同邊個過？佢就斬釘截鐵話要同街坊過，仲會學中國情人節咁整吓燈謎同街坊互動喎！成日陪街坊，唔知佢男朋友會唔會呷醋呢？

唔少區議員都會搞吓返內地嘅旅行團，主打本土嘅青年新政就對呢啲有保留。游蕙禎話，去旅行唔一定要返大陸，佢哋之前搞過本地生態團，都有唔少街坊去，畀街坊知道吃喝玩樂之外，仲有其他選擇。