黨友(目及)實 樹根即撕泛民揮春

前日「立春」正式踏入猴年首日，立法會續會已經流會，認真流年不吉。主力「拉布」嘅人民力量陳偉業（大舊）同陳志全（慢必）當然鬼咁開心啦，尋日仲帶同自家設計嘅「流會大吉」、「勁點人數」同「拉倒惡法」等另類揮春，趁內務委員會開會前喺會議廳四圍派，包括派畀民建聯鍾樹根（樹根）。大舊揶揄樹根：「流會抖一抖，今日即刻精神啲哩？」樹根收到「流會大吉」只能無奈話：「你哋搵我過橋，搵第二個得唔得？」不過，樹根收揮春期間遇到黨友(目及)實，即表現出反拉布形象，即場撕爛揮春話要同泛民劃清界線喎（圖）！（周依露攝）