立法會最近「拉布」終日，唔少被困立法會湊人數嘅建制派議員都大呻冇啖好食，一餐飯要來回宴會廳三次先食得完，唔怪得出名為食嘅進出口界議員黃定光（象哥）都要留番啲好似陳皮嘅私伙零食喺會議廳以備不時之需。議員梁美芬尋日以一副比之前更清爽嘅冬菇頭現身，笑言自去年備戰區議會選舉，加上之後嘅拉布戰，佢都冇啖好食，「因禍得福」下輕咗五、六磅。佢笑言既然瘦咗，即管試吓以更短髮型迎新歲，結果都幾新鮮，冇咁悶，但就否認為咗立法會選舉轉形象，事關後生時都試過咁短頭髮喎。
