港大校委會主席李國章尋日回應周二學生衝擊校委會事件，形容搞事學生好似「啪咗藥」咁失去理智，被人利用同荼毒，更點名批評公民黨余若薇、梁家傑等人干預港大事務，以及學生會會長馮敬恩發放假消息，為學生提供「毒品」搞事。估唔到李國章放下醫生袍轉做校委，依然仲識得為學生斷症，更可以搵出病因，果然寶刀未老，同時佢有做禁毒專員嘅潛質添，唔知李國章會用咩藥方醫治呢班「搞暴動」嘅學生呢？
