政情：中出羊子泳衣女助選 時薪$500
經常作古裝女性打扮、外號「昭明公主」嘅港獨人士「中出羊子」（原名：鍾銘麟），有份參選去年底區議會選舉油尖旺櫻桃選區，雖然最終僅獲百多票慘敗收場，但選舉開支卻高達四萬一千三百多元。中出羊子在選舉期間，曾與一名穿着三點式泳衣嘅性感妙齡少女在旺角行人專用區巡遊宣傳，原來呢位少女薪酬要二千元，時間是當日下午五時至九時，即時薪高達五百元。
根據中出羊子提交的選舉開支申報，可見佢花錢最多嘅地方係選舉廣告開支，包括購買多款戲服作街站宣傳，戲服款式包括八路軍、古裝囚衣、神父修女服、道士袍、扮演醫生所用的手術袍和浴帽等，選舉造型攝影連化妝則花咗八百元。此外，佢曾經花三百八十元購買二千張靈符，又用八十元在網上訂購兩支鳳凰龍獅旗。雖然花咗唔少錢作宣傳，但佢在整個選舉期間並無獲得任何贊助，更慘敗收場。