荃灣：爛路牌無理修 憂墮下傷人
「路牌又彎咗，消防欄又跌埋，大街大巷都完全冇人理，次次都要我哋啲市民投訴先識得去做嘢，政府部門依家係咪偷懶呀！」周女士近日途經荃灣沙咀道時，發現「大陂坊」的路牌損毀，附近的消防欄亦倒地，擔心路牌有墜下的危險。周指該處人流如鯽，要求路政署盡快修理，並加強巡查。
路政署發言人表示，接獲轉介後派員實地查察，發現上址路牌及消防欄有損毀，懷疑早前曾被車輛碰撞，該署即安排承辦商進行維修，已於一月十一日完成。
冀部門互相通報處理
「路政署未必咁啱見到，但警察巡邏嘅時候都應該見到，雖然唔係佢哋嘅工作範圍，但睇到都可以講聲。」周認為各部門應互相合作，如發現道路設施有破損，應主動向有關部門反映，避免意外發生。