慈善基金：雙眼黃斑病變 孝叔瀕盲
年逾六旬的林誠孝於一三年確診左眼患黃斑病變，幸獲捐助針藥費以開展療程，未料翌年右眼亦出現毛病，瀕臨失明邊緣。面對再一次的打擊，孝叔除擔心病情，亦恐成為家人的負累，但實在無法負擔逾二萬二千元藥費，希望在東方日報慈善基金呼籲下，獲善長再次伸出援手，以挽回視力。記者：詹海萍
「之前唔識搵東方幫手，拖咗好耐先搵你哋幫手，結果就算打咗針都係冇乜好轉。」孝叔於一三年證實左眼患有黃斑病變，向基金求助，已接受治療。惟前年孝叔發現右眼視力變差，最終證實患上同一眼疾，「我依家主要靠右眼睇嘢，但隻右眼成日都好痕，睇嘢有層膜遮住咗咁，好似之前隻左眼咁。」
糖尿椎間盤凸出 無法工作
孝叔坦言，昔日曾沉迷賭博，已迷途知返，並努力工作以行動表現改過決心，漸與家人修補關係，奈何雙眼先後出現問題，恐未能及時治療或雙目失明，變成家人負擔，「我覺得好對屋企人唔住，唔想再加重佢哋負擔，初初左眼唔嚴重都仲可以做保安，點知連隻右眼都出事，我都唔知點算！」
「依家有太陽我先可以睇到少少嘢，開門都要摸住個鎖匙窿預到個位先開到。」由於視力急轉直下，加上患有糖尿病及椎間盤凸出，孝叔只好放棄保安員工作。孝叔雖曾獲政府資助注射右眼藥物，惟未有改善，故醫生着其改為注射另一自費藥物。不過，失去工作的孝叔無力支付逾二萬二千元的藥費，寄望善長再次施以援手，「好多謝之前咁多位善長，希望你哋可以再幫吓我！」
東華東院發言人證實，病人右眼患濕性老年黃斑病變，建議其接受三次玻璃體內注射抗血管內皮生長因子（EYLEA），每次費用約七千五百元，如病人不接受治療，有可能會失明。
捐款編號：12435