政情：公民講場：仲係「錦」阻路 政府隨時癱瘓

版權條例草案拉布戰已持續接近兩個月，隨時影響下月發表嘅財政預算案。商務及經濟發展局局長蘇錦樑（Greg）尋日喺電台表示，預算案的確「非常重要」，一定要通過。但問佢係咪會考慮撤回版權草案，讓路畀「非常重要」嘅預算案，阿Greg又話版權草案對香港經濟都「好重要」，政府暫無計劃撤回。我哋尋日已寫過，依家最緊急嘅唔係財政司司長曾俊華負責嘅預算案，而係由財經及庫務局局長陳家強負責嘅臨時撥款，四月之前過唔到，成個政府就會陷入癱瘓，希望阿Greg知道問題所在，盡快諗計擺平今次拉布戰喇！