喺泛民瘋狂拉布下，立法會尋日幾經辛苦，終於二讀通過俗稱「網絡廿三條」嘅《二○一四年版權（修訂）條例草案》，但之後仲要處理泛民提出嘅大量拉布式修訂，先可以正式三讀表決通過草案。喺呢個決戰時刻，政務司司長林鄭月娥居然疑似「扯白旗」投降，喺接受部分傳媒訪問時，話不排除會將草案撤回，嚴重打擊版權業界、以及為政府撐咗兩個月嘅建制派士氣。喺各方批評同反對下，林鄭被迫急急澄清，強調政府並無計劃撤回草案。今次佢名副其實係添煩添亂、亂噏廿四！
