泛民主派繼續於立法會審議版權修訂條例草案期間，瘋狂點算法定人數拉布，建制派為免流會於議事廳「坐定定」，一悶再悶下開始作出意想不到嘅舉措，其中民建聯陳克勤放咗一隻電影《星球大戰》嘅白兵模型，然後拿出手機影白兵解悶，佢自言係「星戰粉絲」，強調白兵並非淘寶貨，價值八十元，莫非陳克勤見白兵「好打得」，有意召喚白兵於拉布戰中幫手反擊？
