【本報訊】網上流傳十段「警方與毒犯勾結」影片，片長近三十分鐘，當中從來沒有提及毒品名稱，只以「半條」、「一個七加三點五」代替，但片中亦提及江湖不少恩恩怨怨，亦提及懷疑毒品拆家疑將「半條」放在一名懷疑精神有問題的男子家中，讓警方採取行動。
拍攝當日，三名警務人員乘坐的私家車相信停泊在屯門大興邨扶康會潔康之家門外，片中的懷疑毒品拆家「四×民」不停提及自己與「寶田十三妹」結怨，「佢跟我，屯門寶田十三妹呢個人物出現，係邊個扶佢上去，我梗係×佢，希望你（警方）唔好插手。」坐在前排座位的警員則問「四×民」：「你兩個月前同十三（妹）有咩問題？」「四×民」即指，「佢打我啲靚」。
片段又提及一個叫「靚×」的黑社會人物早被元朗反黑組拘捕，涉及「一個七加三點五」（懷疑毒品），乘坐前排座位警員則笑謔：「多唔多啲，大風吹，都吹×咗啦！」之後又謂，「你同十三啲死結搞成點呀？出頭係啱，唔係點行走漿糊！」該名警員又謂，「總之你要小心『沙×』，我都保到你依家」。「四×民」即謂：「我歸你（警方）嗰邊，以佢『（沙×）』性格實撲我」，警員即稱：「你係CEO嚟喎。」
片段進一步揭露「四×民」疑計劃「插贓」，將「半條」放在一名住在寶田邨、叫「傻仔」的男子家中，「嗱，我到時交個靚仔出嚟，佢傻傻哋。」
此時坐在司機的男子，相信為警員首度開腔，「傻仔」叫咩名呀？擺係佢屋企，得（口架）咩？」「四×民」即謂：「五十幾歲，住寶田，不知其真名，總之叫傻佬，佢傻（口架），你放咗乜佢都唔知。」