「個廁所成日都一大陣臭味，都唔知幾耐先清潔一次，仲要啲渠塞住唔通，真係惡頂！」的士司機曾先生不時駛經上環，發現永樂街公廁衞生情況欠佳，疑清潔工作有欠妥善，質疑食環署未有做好監察之職，「同樣係食環公廁，卑利乍街嗰個就乾淨好多，咁即係如果睇實啲，要企企理理都唔係做唔到。」
食物環境衞生署發言人證實，於一五年共接獲六宗相關投訴，而接獲轉介後亦有派員巡查，發現渠道淤塞，遂轉介建築署安排通渠，有關工作亦已告完成。發言人同時表示，已提醒前線督導人員及承辦商留意有關情況，並保持環境衞生。
曾先生認為食環署延至市民投訴後方發現問題，反映日常管理欠善，「點解要去到傳媒查詢，食環先知啲渠塞咗，而唔係一早發現問題？」