一批港大生尋日發起罷課，以示反對李國章出任港大校委會主席同特首兼任大學校監嘅制度，但罷課集會計埋來自其他大學嘅聲援學生，都只得約二百人參與，佔港大學生總數不足百分之一。教育局局長吳克儉（吳得掂）之前講過，香港天氣轉涼，學生首要小心身體，咁啱近日氣溫急降，甚至有外國天文台預告香港會落雪，唔通班學生真係咁聽話，放棄瞓街罷課以免凍親？
