政情：公民講場：高鐵「難產」條數 要用罐頭鮑嚟計

工聯會立法會議員王國興，最興用「幾多萬罐午餐肉」同「幾多萬罐豆豉鯪魚」，嚟形容泛民喺立法會拉布所浪費嘅公帑數字，但今後佢可能要轉用其他計算單位嘞。事關運輸及房屋局局長張炳良尋日指出，若然高鐵追加撥款因泛民拉布而無法及時通過，工程每停工一個月，政府同港鐵仍要支付二點三億元，若果再加埋其他路政維修費用，總開支更高達四十八億元，要改用罐頭鮑魚做單位先計得掂條數。