中環出更：吳得掂誦古詩「十分」難得

同場嘅粵語正音專家何文匯教授就讚吳得掂讀得好，聽落有感情，以十分為滿分，何教授就話畀八、九分。其實呢兩首詩都係小學程度，吳得掂貴為局長無理由攞唔到滿分囉。

何文匯畀八至九分

卓妮再問何教授有冇意見可以畀吳得掂改進吓，佢就話睇唔到吳得掂有咩唔好，但係就講到明唔會畀滿分，只畀八、九分喎。之後佢仲話，其實《回鄉偶書》入面第二句「鄉音無改鬢毛摧」個「摧」字，好多人都讀錯「衰」音，連個字都寫錯成「衰」字。何教授就讚吳得掂讀啱，但就話吳得掂冇可能會讀錯喎。

事緣個徵文比賽題目係「我的籍貫」，吳得掂就話鄉土情懷及尋根都係中國文學作品常見嘅主題，所以就引用咗《靜夜思》及《回鄉偶書》做例子。

卓妮