政情：今日你上鏡：龐愛蘭登台 又爆轉會疑雲

台灣嘅總統大選臨近，好多人組團赴台觀戰，立法會議員梁美芬所屬嘅西九新動力亦搞咗個四日觀選團。尋日一大棚人出發前，喺機場影咗張大合照。我哋就發現同屬沙田區議員嘅公民力量（公記）潘國山及龐愛蘭亦有隨團出發。龐愛蘭加入公記前係新世紀論壇成員，早前曾經傳出佢有意加入自由黨，但最終都傾唔埋欄，唔通今次佢藉觀選為名，密謀再轉會去西九新動力？不過，無論點都好，相信大家都有個共同目的，就係湊熱鬧一齊去睇吓人哋啲選舉工程偷吓師啫！