單先生是一家電力裝置工程公司的主管，他與員工小豪閒談間提及工作問題。「老闆，我哋成日要接駁不同電力裝置及線路，萬一有咩觸電意外發生，其實應該如何處理？」
單先生表示：「小豪，如果工作過程中真係發生觸電事故，我哋在確保自身安全後，必須先將電源關閉，或將電線插頭拔除，或將電線移開，使傷者不再與電源接觸。如果無法辦到，則可站在乾爽的絕緣體上，利用同樣能夠絕緣的物體作為手棒，將傷者推或拉離電源，絕對唔可以徒手觸摸傷者。」
「然後可以先檢查一下傷者的氣道、呼吸與脈搏。如果傷者有呼吸，應將傷者放在復原位置及召喚醫護人員。如果傷者停止呼吸，但有脈搏跳動，要立刻召喚醫護人員，並同時進行人工呼吸。充氣速度為每分鐘十次，每兩分鐘後再檢查脈搏。如果傷者可以自行呼吸，便將傷者放在復原位置。最壞嘅情況係傷者已經停止呼吸，亦沒有脈搏，我哋要立刻召喚醫護人員同時開始進行體外心臟壓法，其實相關急救方法已經喺勞工處出版嘅『電擊』海報圖文並茂列出來，一齊去睇吓張海報就明白喇！」
小豪補充：「所謂『預防勝於治療』，最重要係預防意外發生，所以開工時要做足安全措施，例如先斷電再『上鎖掛牌』，並且穿戴足夠個人防護裝備等，咁先至係最穩陣！」
職業安全健康局
www.oshc.org.hk