灣仔：車胎霸馬路 阻交通生險
「啲車房成日放啲車出馬路做維修，又擺啲車胎出去，霸住條馬路嚟做生意，除咗影響交通之外，萬一啲車胎碌出馬路撞親人同車就大件事啦！」吳小姐於灣仔工作，發現謝斐道疑有車房經常非法佔用馬路維修車輛及放置雜物，希望警方加強巡查及執法，以免情況繼續。
市民冀警檢討執法效力
警方發言人表示，灣仔警區一直關注區內的交通違例事項，於去年一月至十一月期間，警方在上址一帶共發出二百七十二張定額罰款告票，強調會繼續巡查和執法，以確保道路暢順和道路使用者安全。
「出咗差唔多三百張告票，但問題仲繼續，警方要諗吓可以點樣改善呢啲問題，唔好由得人犯法啦！」吳要求警方就其執法效力作檢討，並研究改善方案。