太和：街市關大門 逼食客繞路
「明明有張通告貼住小食街開到十一點，街市入面都有人，但對門就開唔到！」李女士指太和街市剛完成翻新，新街市內設小食街，可開放至晚上十一時，惟早前於晚上約九時欲經街市近愛和樓出入口到小食街時，發現大門已被鎖上，最終需改由近喜和樓出入口方能進入街市。
包租商：基於保安考慮
領展發言人表示，太和街市由街市包租商負責營運、租務及日常管理。有關街市包租商發言人則指，街市小食街開放至晚上十一時，惟基於保安考慮，有關出入口於晚上約八時關閉，顧客可從附近剪髮店或昔日超市旁的出入口進出。發言人續稱，會加強有關指示訊息，以方便顧客使用設施。
「開到十一點就識得貼張紙，叫人去另一邊門就唔識貼張紙，如果啲人以為閂咗門，啲舖頭少咗客幫襯就真係多得佢唔少！」李女士要求有關方面盡快張貼告示提醒顧客有關安排。