九龍城：店旁洞口流污水長者險被跣倒
「成攤水係咁湧出嚟，都唔知係咪屎水嚟o架！」阿珊（化名）早前途經九龍城打鼓嶺道，發現有店舖旁的出水口不斷排出污水，令行人路面滿布積水。阿珊更曾目擊有長者險被跣倒受傷，要求食環署盡快派員跟進，以解決上址違規排放污水問題，保障長者及途人安全，「啲污水流出行人路唔單止影響環境衞生，跣親人就大件事，食環署冇理由咁都唔理！」
食署指已封堵
食物環境衞生署發言人表示，巡查期間發現店舖旁有一個圓形洞口，但無污水排出，行人路亦未見積水，但店舖負責人指，早前大廈天井的沙井淤塞，有租客用水管將污水引至行人路所致，其後已將水管拆掉，並聘請清潔工人清理天井內的積水。發言人亦確認洞口已被封，現時街道衞生情況令人滿意。