Party Life：時光倒流

陀飛輪錶一向以工藝精湛聞名，同陽剛氣息濃厚嘅電影玩Crossover，魅力更加不可擋。港產陀飛輪錶品牌萬希泉早前推出星球大戰系列新錶，出動大量道具武器助興，激發一眾賓客嘅童心，個個玩得不亦樂乎。

博愛醫院副主席李鋈發（右）及彭少衍（左）喺慈善晚宴上鬥賣美食籌款，寓慈善於娛樂。	博愛醫院候任主席陳李妮（右二）係慈善餐舞會主席，靚女好友張家瑩（右一）及陳敬慈（中）盛裝出席支持，與博愛副主席簡陳擷霞（左二）及總理余秀蘭（左一）齊開心合影。	華盛控股集團主席蕭潭平（左二）的太太蕭何元鳳（右二）及女兒蕭潔嵐（左一）係博愛少見嘅母女檔總理，蕭家細女Sarah（右一）於餐舞會上獻唱籌款，全家都愛心滿瀉。
曾任博愛醫院總理嘅縱橫遊執行董事袁振寧（左）同太太林藹欣暫時放低兩個囝囝，抽空拍拖捧場。	新錶發布會 陀飛輪錶專門店主席李文偉（左二）及太太嚴偉貞（左一）對陀飛輪錶情有獨鍾，與沈慧林父母沈墨寧及許麗琼（右二及右一）啱晒嘴形。	香港青年聯會副主席彭芷君（左二）與一眾年輕人拿起道具武器玩耍，童心未泯。
萬希泉創辦人沈慧林（左二）又有新搞作，香港百仁基金副會長楊華勇（右二）、太太莊菲娜（左一）、姨仔莊莎娜（右一）都去一睹為快。