勞工及福利局局長張建宗（小肥張）尋日更新局長網誌，為過去一年工作做總結。佢花咗九個段落去細數上年落實嘅政策，包括點樣加強家庭支援、減少跨代及在職貧窮、培育兒童全人發展等等，但講今年嘅展望只得短短一段，全文亦無提及社會極關注、卻懸而未決嘅議題，好似全民退保、標準工時、取消強積金對沖機制等。小肥張明顯報喜不報憂，自欺欺人喇！
