香港鐘表業總會董事會早前進行改選，原任副主席嘅Acestar Concept總裁黃麗嫦（Esther）升呢為主席，成為該會成立六十九年來首位女主席，認真唔簡單。Esther話，近年佢做好多青年教育培訓工作，未來任內仍着重於呢方面，最緊要係令業界有源源不絕嘅新血補充入行。佢哋正研究與兩間東華三院旗下中學進行商校合作，事關總會成員涵蓋製造、批發、零售及品牌代理等，若提早令學生了解行業，將有助年輕人提早決定入行方向，對解決時下港青問題亦有裨益。
