政情：公民講場：辣招救旅業 「進」入地雷陣

訪港旅遊業步入寒冬，加上早前爆出有內地客疑遭強迫購物被打死惹起全城關注，康泰旅行社董事總經理黃進達（Jason）上月初接掌旅遊業議會主席，即要處理呢個燙手山芋都咪話唔頭痕，急急推出多招力保香港旅遊招牌。不過，辣招隨即「辣」着部分業界，上任唔夠一個月已經被業界大迫宮，其中十六間店舖集體退出購物退款保障計劃，部分業界又揚言唔再喺旅遊巴貼「車頭紙」等以表不滿。Jason新上任已經望見成地地雷等住佢，真係少啲智慧都唔掂。