中環出更：陳甘美華退休 「告別作」保區會？
人稱「騰雞美華」嘅民政事務總署署長陳甘美華（陳太）自○三年坐正後，不經不覺接掌總署已接近十三個年頭，今年佢年屆六十將會正式退休。政府內部尋日流傳陳太嘅告別電郵，佢感謝同事群策群力完成一個又一個嘅不可能任務，形容好同事是難得的福氣，她滿懷感激。臨別前夕，民政事務總署發出區議會主席選舉指引，統一各區投票程序，疑似防止建制派選區會主席「甩轆」，莫非此舉是「騰雞」嘅最後代表作？
似防建制派奪主席位「甩轆」
陳太在信中話，對於多年來加入不同嘅決策局為市民服務，佢感到榮幸，又高興收到同事嘅告別禮物。消息話，今日起佢將展開退休前休假，而接任人選有機會係財經事務及庫務局副秘書長（財經事務）甄美薇或食物及衞生局副秘書長（衞生）謝小華之中「二選一」。
新一屆區議會今日展開，各區將陸續選舉正副主席，部分區議會建制派議席僅多泛民主派一席，令泛民問鼎主席的機會提高。有指，政府中人已多番提醒建制派不可「甩轆」，令主席之位落入泛民手中；而十八區民政事務專員日前亦向各區發放區議會主席及副主席選舉指引，統一各區投票程序，將過去即時提名主席候選人，改為將提名期和退選期訂定在開會前一小時，以及同票再進行一輪投票嘅規則，疑似防止建制派選區會主席「甩轆」。
卓妮