標準工時委員會尋日開會，主要討論如何簡化第二輪諮詢內容等議題。早前曾經講過會考慮是否退出委員會嘅六名勞方代表就繼續缺席會議，但標準工時委員會主席梁智鴻（金刀梁）就一於少理，實行你有你缺席，佢有佢對住六張空櫈開會。
雖然金刀梁口講就話為於六位勞方代表缺席覺得唔開心，但就講到明委員會係唔能夠因為一、兩個人唔同意就停晒工，如果勞方代表最終都係唔再返回委員會開會嘅話，委員會就會盡量將勞方意見寫入報告，再交畀政府咁話，即係話之你開唔開會囉！
