東匯邨：遊樂設施太創新 兒童唔識玩
「望住呢舊嘢，我個小朋友都唔知可以點玩，一啲都唔感興趣。其實好哋哋整番啲滑梯咪好囉，做咩要懶係創新整咗舊嘢出嚟都冇人識玩，最後咪嘥咗啲資源！」東匯邨居民黎太不滿屋邨兒童遊樂場內的設施過於創新，使用方法令人難以捉摸。黎太稱，由於女兒較喜歡傳統的遊樂設施，故多會攜同女兒到附近設有一般滑梯的公園玩耍。
提倡「非規則玩法」 鼓勵思考
東匯邨物業服務辦事處發言人回覆指，有關兒童遊樂設施以支架及繩索為主，屬攀爬式設備，供五至十二歲兒童使用。設備特色為設計通透，提供全方位視野，以及容易與附近環境融合。發言人認為，透過遊戲所提倡的「非規則玩法」，有助鼓勵兒童多角度思考、培養創作力，更鼓勵多方面嘗試，從而提高設施的可玩性及持久性。同時，鼓勵體能不同的使用者在地面及高處交流，有助促進遊樂場內使用者的社交功能。