田灣街市離譜 兩層樓淪貨倉

阻塞通道 礙逃生易絆倒

「呢個街市真係雜物多過人，有兩層通道都畀人放咗好多大型雜物，貨箱、枱櫈咁都有，真係一唔留神就會撞埋去！而且周圍都係嘢，萬一火燭起嚟都唔知有冇路走！」田灣居民林小姐指出，田灣街市樓高三層，但每層通道都被檔戶放滿雜物，一樓、二樓情況尤其嚴重，大量雜物層層堆疊，對通道造成極大阻塞，容易絆倒市民外，亦擔心若遇火災會阻礙逃生。

林續指，街市僅得地下一層人流較多，一樓及二樓則水盡鵝飛，顧客及營業檔戶也不多，更發現有多個檔戶長期「落閘」，認為「似用嚟擺貨多過做生意」，「呢度地方咁大，明明應該可以賣多啲嘢方便街坊，但就咁多人租咗舖之後唔開門！咁少選擇，我都愈嚟愈少入去行！」林認為涉事街市管理混亂，希望食環署盡快改善，以優化街市的購物環境。

街市內部分雜物堆至天花。	街坊林小姐希望食環署加強巡查及執法，令街市恢復生氣。	田灣街市通道滿布雜物，亦有多個檔戶沒有營業，場面冷清。

記者曾多次到上址視察，發現一、二樓有近一半檔戶「落閘」，而通道有部分雜物幾乎堆至天花。

議員促當局助吸客經營

食物環境衞生署發言人表示，田灣街市共有一百八十個攤檔，全部已租出。發言人又指，一向關注街市檔戶佔用通道的情況，接獲本報轉介後，已即時加強巡查及採取突擊行動，期間發現有個別檔戶佔用通道，對公眾造成阻礙，於是檢控有關檔戶，此外，該署又提醒所有檔戶必須妥善放置物品。根據紀錄，今年一月至今，該署共接獲四宗有關田灣街市通道阻塞的投訴，期間共向違規街市檔戶提出七宗檢控，並就檔戶沒有營業發出四封警告信。

立法會食物安全及環境衞生事務委員會委員王國興認為，食環署不能對違規情況視若無睹，必須加強管理。至於檔戶經常「落閘」的問題，王認為食環署應從根本解決問題，「食環署應該了解點解商戶會有生意唔做，如果因為人流不足、有經營困難，就應該協助佢哋吸多啲客！例如可以搞下新春活動，推廣下購物優惠，商戶同街坊都可以受惠！」

記者：黃凱翎