全港性系統評估（TSA）引爆操練爭議，取消小三TSA呼聲鬧得熱烘烘，近日官員接連出來拆彈。
尋日輪到考試及評核局秘書長唐創時，佢出席電台節目時話，對於係咪暫緩小三TSA持開放態度，但認為過去五年嘅小三TSA題目已愈來愈淺，考核題型不僅包括教師平日所教課程內容，一般小三學生如平日多閱讀，再看一、兩份試卷便可熟習題型。唐創時咁講，係咪叫小三學生好似教育局局長吳克儉睇多啲書就應付到TSA呢？咁點解局長面對被議員提出TSA突擊測驗時又表現得咁驚青呢？
