兩內地商人深井遭兩港漢毆傷
【本報訊】眼睥睥講「大陸話」，兩內地商遭人「吹雞」圍揼。兩名任職運輸、持雙程證來港的商人，前晚偕友人在深井晚飯後，與駕車途經的司機，因使用道路問題爭執，期間有人「吹雞」，夥同一名大漢施襲，兩商人受傷送院，警員迅速趕至，將司機及一名男子拘捕。傷者友人聲稱事件涉中港矛盾，因「聽到我哋講大陸話，唔鍾意就打我哋！」
人車爭路口角 警拘兩疑犯
受傷兩名內地商人分別姓陳（四十歲）及姓黎（三十三歲），持雙程證來港。據悉他們經營中港運輸業務，與港人在港開設運輸公司。前晚九時許，陳及黎偕六名男女友人，在青山公路深井段一間食肆晚飯後，徒步沿狹窄行車路離去，當行經近深井村口時，疑因姓歐陽（三十七歲）司機駕駛的一輛私家車，駛過時車身貼近，陳、黎及一名男友人受驚嚇，三人隨即望向司機。有人感不滿與他們口角，更召喚附近停車場一名姓洪（三十二歲）職員到場。
未幾陳與黎遭人拳打腳踢，兩人不敵，分別眼、口及手部受傷，其中一人更被花盆掟傷眼角，警員接報趕至，以涉嫌傷人將歐陽及洪拘捕；陳及黎由友人陪同送院。警方初步調查後，將案列作襲擊處理，現場遺下小量血漬，及至少四個毀爛的花盆。
據傷者友人指，事發時他們無指摘司機，只是望入車內，惟對方隨即發難。他用唔鹹唔淡的廣東話稱：「打我哋嘅人，聽到我哋講大陸話，就唔鍾意打我哋！」又指「大家都係中國人，香港人都係中國人，做乜咁樣對我哋？」