爆喉泉湧一個月水署冇修
任由大量食水浪費，水務署被指「大嘥鬼」！早前水務署被申訴專員公署炮轟未有妥善處理私人水管維修問題，至今仍未見絲毫改善。葵涌有行人路地底的食水喉爆裂，食水不分晝夜湧出已逾月，水務署卻以屬私家喉管為由，拒絕截水維修。立法會議員狠批該署塞責，促盡快改善處理流程。
「真係嘥晒啲食水，已經成個月喇，點解水務署可以咁樣由得啲水係咁流？」居於葵涌一私人樓宇的鍾先生指出，所居大廈後巷一條地底喉管約於一個多月前爆裂，大量食水湧出地面。身兼大廈法團主席的鍾先生已即時向水務署反映，未料該署派員檢查後卻以問題屬私家喉管漏水而拒絕維修，「水務署派人嚟睇，睇完就話私家喉水務署唔會整。之後又話要查清楚紀錄，查完仲係話私家喉。前後已經成一個月，啲水就咁流足一個月，真係好嘥水！」
居民斥因循 應先作維修
鍾先生直言不滿水務署的處事態度因循，未有按實際情況盡早解決問題，「就算係私人喉，咁係咪都可以做咗緊急維修先呢？最緊要係唔好嘥水！」
水務署發言人承認，十月二十六日接獲有關投訴後，隨即派員於翌日與有關私人屋苑管理處職員一同實地視察，證實一條位於該屋苑後巷的私家地底喉管漏水。根據《水務設施條例》規定，私家喉管由用戶或代理人負責維修及保養，因此該署發出維修通知書要求有關人士於限期內完成維修。其後，相關用戶或代理人對喉管是否屬私人所有提出疑問。該署翻查紀錄後，確認喉管屬私人所有，有關用戶或代理人於是安排維修，工程已於近日完成。
水署：截水影響大量用戶
發言人又指，由於視察當日水管滲漏情況輕微，而截斷食水供應會影響大量用戶的日常生活，故該署要求用戶或代理人於合理期限內完成維修。如有關人士並沒有於限期內完成維修，該署會有進一步行動，包括截斷供水。
「拖拉咗成個月任得啲水係咁流，水務署直情係塞責！」立法會發展事務委員會副主席梁志祥指出，如有關業權人並不反對，水務署可以先行維修喉管免浪費食水，稍後再追討相關費用。梁指該署亦可引用水務條例控告涉事者浪費食水，「但係水務署兩樣都唔做，啲水就流足一個月，水務署處理認真失當！」梁認為水務署必須檢討改善，加快處理涉及私家喉管的滲水問題。
記者：徐少琴