政府推行廚餘減量工作多年，但係成效不彰。尋日環境局局長黃錦星（星星）出席立法會會議時，竟然辯稱廚餘增加係同本地生產總值（GDP）及旅客增加有關，即引起議員批評。星星亂噏當秘笈，查實廚餘增加係同飲食文化及環保態度有關。好似近年韓國經濟好景，廚餘的確增加唔少，於是當地政府即推出源頭減廢政策，目標係減少四成，結果成效顯著。如果按星星咁講，唔通韓國攞GDP暴跌嚟換減廢咩？
