全新三合一APP登場 東網更快更高更強

唔係賣花讚花香，東網不斷創新，瀏覽人數節節上升，成績有目共睹(口架)。嗱，為咗令內容更臻完美，東網今日起推出全新APP，將原有嘅東網港澳、東網大陸及東網台灣三個APP合而為一，讀者一APP在手，就可隨時切換及選擇地區版本，更可選擇以繁體或簡體字顯示，輕鬆穿梭於唔同地區嘅各種資訊。讀者首次開啟東網APP時設定地區版本及繁簡體字，瀏覽期間想切換版本，只需按右上角選單快速切換至另兩個地區版本就得，既方便又快捷。

除咗提升效能之外，全新嘅東網APP同時增加多項功能，包括接收推播通知設定、左右撥轉換畫面及直播等，讀者只要向左或向右撥，即可由瀏覽緊嘅版面跳到其他版面或上下條新聞，一隻手指就搞掂。仲有吖，東網APP版面亦作出更新，讀者可輕易透過底部嘅Menu Bar，快速瀏覽東網其他精彩內容，亦可按左上角嘅東網Logo，拉出隱藏Menu Bar，選擇其他內容；而東網APP嘅娛樂新聞版面亦改用大圖模式，令版面更精彩更吸引。

尤其值得一提嘅係，東網APP新增「推播通知」（Push Notification）設定功能，讀者可自主選擇接收邊啲推播通知，包括新聞、娛樂、財經、體育及生活，同時設有靜音模式，配合唔同讀者嘅需要。至於直播功能更係一項令人讚不絕口嘅創舉，只要按APP內嘅直播icon或直播橫額，就可隨時收睇現場直播，掌握最新資訊。東網獲得一五至一六年港超聯賽事網上獨家直播權，亦係首家獲馬會授權直播六合彩嘅新媒體，無論你係支持香港足球，或者係小賭怡情買個發達夢，都唔可以錯過(口架)。

講到呢度，有人可能會問，究竟點樣安裝全新嘅東網APP？好簡單，iOS用戶可以前往APP Store搜尋，搵到東網APP嘅頁面後按下「更新」按鈕，手機就會自動為APP更新；至於三星等Android用戶，可以到Play Store輸入「東網」，按下更新即可，同樣方便快捷。

總而言之，東網立足香港，面向全球，不斷提升功能及內容，致力打造全球華人最強資訊網，今次革新只係一個開始，更大更多嘅驚喜陸續有來，絕對唔會令大家失望。你哋嘅支持，就係我哋嘅動力，東網一定會再接再厲，更上一層樓！