「曾經見過有學校帶過百個學生去露營，瞓完一晚之後，留低晒所有裝備就咁走咗去，剩低過百個營帳當垃圾。」Leo對於「大嘥鬼」露營人士所為，感到大為可惜，「唔好買嚟用一次之後就唔要咁浪費，可以先問朋友借用，用到啱先再買都未遲。」
勿用強光照螢火蟲影響生態
Elaine亦指，早前大嶼山及南生圍的螢火蟲出沒季節，大批露營人士一窩蜂湧往觀賞，有人為看得更清楚，逕自攜帶強力電筒照射螢火蟲，「螢火蟲受強光照到之後就發唔到光，令佢哋無辦法求偶繁殖，會害到佢哋絕種。」她建議露營人士使用紅光或光線較弱的電筒照明，以免影響自然環境，「野外動物對光好敏感，我哋只係嚟借宿一宵，無必要去騷擾人哋。」