配電箱跳掣公屋頻斷電 房署懶查
電箱設有漏電斷路裝置，當供電出現漏電情況，漏電斷路器會自動「跳掣」，以將電源截斷，確保安全。不過，長沙灣李鄭屋邨有單位經常因樓層電掣房的配電箱「跳掣」被截斷電源，反而室內的電箱卻毫無反應，疑電箱損壞未能正常運作，擔心隨時有漏電及火警風險，惟房署多次檢查卻指電箱運作正常。學者則認為肇因非室內電箱，反為所屬樓層的配電箱有損壞所致。區議員要求當局徹底調查並解釋清楚「跳掣」原因，以釋住戶疑慮。
「次次都係返到屋企，開燈發現唔着先知又跳掣，但因為屋企個電箱冇跳，係電錶房個電箱跳，一定要叫管理處搵人啪番個掣先得！」趙先生母親年屆八旬，居於李鄭屋邨逾二十五年，更欲購入該單位安享晚年，惟單位「跳掣」情況頻繁，樓層總掣半年「跳足三次」，但每次單位內的電箱皆毫無反應。
僅稱單位電箱正常 無再跟進
趙有見單位的電箱已非常殘舊，疑有所損壞而無法正常運作，遂要求房署及早更換，未料獲覆電箱運作正常，拒絕更換，「佢話個電箱冇問題，冇問題又唔識跳掣，咁都算正常？」趙擔心電箱無法發揮正常功效，一旦漏電引發火警，將危及獨居母親安危。
「電箱好少唔識跳掣，通常係成日跳，搞到屋企冇電供應！」工程師盧覺強估計，倘單位電箱出現「跳掣」情況，有可能是家中電器出現問題，惟分層電掣經常「跳掣」，或與其接觸不良或零件老化有關，只要更換分層電掣的零件即可解決問題。
李鄭屋邨租戶服務辦事處發言人指，早前接獲住戶報稱電箱有生銹、失效及氧化等現象，遂派員檢查，確認電箱操作正常，毋須更換，並簽發完工證明書交予業戶。其後應業戶要求再次檢查電箱，亦確認電箱操作正常。最近亦再派工程人員到單位檢查電箱、燈掣及插座等，同樣確認操作正常。
管理公司換零件 未再出問題
發言人續指，知悉法團所委聘的管理公司已協助業戶更換分層電掣房內的電箱零件。而記者其後再次致電趙先生了解情況，「換咗外面嗰個電箱啲零件之後，暫時都未有跳過掣。」
「如果真係短路發生火警，啲火唔係淨係燒一個單位，而係會波及埋大廈其他單位！」深水埗區議會房屋事務委員會主席陳偉明直指事涉公眾安全，雖該屋邨乃租置屋邨，有關部門亦應多走一步，不能因大廈公用範圍屬法團管理而不作進一步調查。陳認為當局應該積極協助事主跟進，並清楚交代「跳掣」原因，以釋除疑慮，「一直都話畀個住戶知電箱冇事，但又唔解釋點解成日「跳掣」，叫人點會安心？」
投訴組