中環出更：老鴿帶林卓廷密會肥佬黎
壹傳媒集團前主席黎智英最近頻頻「攪局」，其中外號「李漢奸」嘅民主黨（白鴿黨）創黨主席李柱銘，短短四日內三次現身黎宅，另外白鴿黨兩名前主席何俊仁（AV仁）及李永達尋日亦齊齊現身，值得留意嘅係，政圈盛傳會接棒做白鴿黨主席、現任黨總幹事林卓廷罕有地參與密會，莫非係三個白鴿黨前主席帶佢嚟，提早畀黎智英「面試」？
尋日下午六時四十五分，黎智英先派司機駕駛七人車，分別接李永達、AV仁及林卓廷前往其寓所，約半個鐘後，李漢奸亦抵達黎宅，不過佢就特別鬼祟，喺車上已經落窗簾遮住自己，落車時更刻意用車身遮擋，其實佢係參加密會嘅常客，做乜今次咁煞有介事呢？
直至晚上八時許，眾人再由黎智英司機駕駛七人車送各人離開，首站於太子港鐵站附近放低李永達，再過海去立法會停車場放低林卓廷，之後分別再送李漢奸及AV仁返回其位於山頂及天后嘅住所。林卓廷事後接受查詢時稱，今次純粹係私人聚會，會面中無提及參選立法會或接任黨主席等事宜，真係信不信由你嘞！
卓妮