政情：公民講場：CEO失言 市建局蒙「污」

市建局首個資助房屋項目煥然壹居嘅申請及銷售安排風波不絕，更爆出日前召開董事會前夕，市建局行政總監林濬曾發電郵予所有董事，指煥然壹居嘅事件屬內部討論，希望將會議改為傳閱文件方式處理，又形容事件被公開係政治污染，仲話之前港大校委會已出現政治污染，依家輪到市建局。多名身兼立法會議員嘅市建局非執行董事紛紛批評林濬，其中蔣麗芸批評林濬用字唔小心，希望林「經一事，長一智」，又指議員出任市建局董事，有責任發揮代表市民嘅功能。其實成件事已經政治化，企圖冚住單嘢迴避政治爭議，想法好天真囉！