政府尋日公布，再度委任醫生梁智仁為醫管局主席，為期兩年。梁智仁獲委任後，話感到非常榮幸，醫管局已經根據督導委員會報告，落實具體計劃，仲話未來有一項重要任務，就係要喺三年內，順利落實報告一百項建議。以現時政府以至公營機構做事效率，做到幾十項工作已經算係功德圓滿，依家梁智仁誇下海口話要落實晒一百項工作，仲要兩年任期做晒三年嘅工作，莫非佢預知兩年後政府再委任多佢兩年？
