「鎂光燈焦點」意有所指
羅健熙話，白鴿黨應該專注地區，要畀黨友知道個黨係珍惜佢哋喺地區嘅付出同承擔，而唔係做一兩屆區議員，然後成為某啲鎂光燈焦點，就放棄有能力再進一步鞏固地區嘅黨友，而柴文瀚就做到呢一點，代表咗堅守地區、默默耕耘嘅一代，鞏固白鴿黨喺南區嘅實力。
羅健熙突然擺姿態，更提到「鎂光燈焦點」，似乎話中有話，不禁令人想起另一乳鴿許智峯，盛傳佢都想爭取出戰香港島直選。佢成日喺中西區區議會博出位，與同區嘅甘乃威同鄭麗琼關係欠佳，亦係公開嘅秘密，加上許智峯今次選舉只係贏百多票，反而其他南區黨友就最少贏幾百票，甚至過千票，可見南區勢力較穩，睇嚟今次乳鴿爭位都有排鬥喇。
卓妮