戒煙冇限耆 同樣延壽
「老咗先嚟戒煙會早死！」相信不少吸煙人士都聽過這個說法，但有學者指出，正正是這些戒煙謬誤令到很多長者不肯戒煙，有長者更以為自己吸煙多年，身體一直都無大病，沒有戒煙必要，因而輕視吸煙引致的諸多健康風險，但原來兩個吸煙人士之中，便有一個因吸煙而死亡。有學者指，戒煙無分年齡，即使八十五歲才開始戒煙，死亡率都可以大幅降低三分之一。
香港吸煙與健康委員會一二年起舉行「無煙老友記」計劃，今年主要工作是探訪長者中心、透過不同渠道包括講座及電台節目，向長者宣傳吸煙禍害及戒煙謬誤等，近月到訪長者中心時，成功鼓勵約五十名長者簽下戒煙承諾卡。
85歲斷癮 死亡率減1/3
長者或煙齡長的人士，往往以不同藉口拒絕戒煙。香港大學公共衞生學院社會醫學講座教授林大慶表示，吸煙的長者遲遲不肯戒煙，源於不少戒煙謬誤，除了以為老年才戒煙會早死外，亦有人認為「我都咁大年紀，戒嚟都無用！」
林大慶指，吸煙者的死亡率比常人高出一至三倍，無論任何年紀戒煙都可以更長壽，「即使八十五歲先嚟戒煙，死亡率都會降低三分之一。」
林大慶又指，吸煙會引起肺癌、心臟病及中風等致命疾病，所以愈早戒煙愈好。他明白很多長者戒煙初期難以完全「戒甩」，但只要一星期時間，便可戒除尼古丁癮，建議可以尼古丁貼或無糖香口膠戒除煙癮，或先減少一半吸煙數量，「但最好都係一支都唔好食！」他又認為單憑自己努力很難「戒甩」，呼籲吸煙者不妨找家人監督或專業人士幫助。
70歲老煙民 「的起心肝」
七十歲的曹伯伯煙齡長達五十年，每日食兩包煙，雖然經常咳嗽，但真正令他「的起心肝」戒煙的契機，是有吸煙朋友因肺癌入院，「見到佢日日嘔，瞓喺張床度好辛苦，無幾耐就死咗！」怕步朋友後塵的他，三個月前決心戒煙。另五十九歲的連先生煙齡長達四十年，同樣是見到「例子」後決心戒煙，他在長者中心任廚師，每天都見到因吸煙而患病的長者臥病在床，「我唔想老咗之後都係咁！」