立法會議員蔣麗芸（Ann）日前話收到市民投訴，話選舉投票日嘅投票時間由早上七時半到晚上十時半，足足十五小時，認為時間太長，無論對市民或候選人都係一種「酷刑」喎！選舉管理委員會主席馮驊尋日就話，自回歸以來嘅投票時間都係呢個長度，目的係要方便市民投票，佢個人認為係可行嘅，如社會上有意見可以討論，選管會係持開放態度，但最終要交回立法會討論。其實選舉四年先一次，市民投票亦唔係喺投票站投足十五小時；至於候選人，如果咁都捱唔到，邊有能力服務市民呢？
