10萬人出街睇波塞滿院校天橋底

【本報訊】「港中大戰」熱爆全港，久違的本地「睇波潮」再現各區，估計昨晚全港有逾十萬名球迷外出為港隊打氣。除酒吧、食肆及各大專院校堆滿港足躉外，連天橋底空地亦坐滿為港隊打氣的街坊，令「We are Hong Kong」的打氣聲由旺角大球場傳遍每一個角落。

港中大戰備受全港關注，惟旺角場觀眾席僅得數千個座位，根本無法容納逾十萬名港足躉。有球迷「鋌而走險」，爬上園圃街雀鳥公園圍欄遠眺球賽，恍如七、八十年代港足黃金時期景象。不過，球迷毋須擒高偷看賽事，因本港多個地區均有戶外睇波團，加上各大專院校亦在校內平台或廣場播放賽事，全港至少有十五個戶外睇波點。

各戶外睇波點大致秩序良好，但亦有部分地點出現爭拗，其中，有本土派人士專門到旺角場對出花墟道聚集，並揮動龍獅旗示威。期間疑有內地人經過，引起本土派人士不滿，最終該名內地人在警方護送下離場。