慈善基金：眼疾纏擾 伯輝盼保視力

「做裝修梗係要成日拎住把尺，但突然有一日望把直尺竟然彎咗，又矇查查，先知自己隻眼出咗事！」曾任裝修師傅的伯輝指，左眼於十年前因輕微中風，令眼球下半部分受損，多年來只靠右眼視物。但禍不單行，早年於工作中無意間發現，右眼視物時出現扭曲，經檢查後證實患上息肉狀脈絡膜血管病變。伯輝坦言當時難以接受，幸好宗教信仰令他重新振作，並積極樂觀面對，決意與眼疾戰鬥到底。

盼「醫番好重投社會」

三年前，伯輝在醫生的建議下，注射第一次光動力療法，可惜情況未如理想。兩年後再次注射，面對每次逾萬元的醫療費用，令他大感惆悵，治療亦已耗盡他畢生的積蓄。此外，眼疾亦令他工作量大幅減少，「我依家連睇把尺嘅數字都睇唔到，試過因為咁做錯嘢，邊個仲肯搵我做嘢！」一直堅持自食其力的伯輝，因為生活拮据，迫於無奈下才於近月申領綜援金。

伯輝昔日閒時喜歡到公園下棋或相約好友「打牌」，惟因眼疾已無法重拾樂趣，「隻牌係咩都睇唔到，人哋都唔同你玩啦，我好怕陽光，因為啲光搞到隻眼好痛，我都唔敢落街。」伯輝指，因此甚少外出，令他倍感孤寂。

不幸地，眼疾一再來襲，伯輝近月視力轉差，醫生建議他注射第三次光動力療法，但他囿於經濟未能支付逾五萬元的醫療費，使他一籌莫展。香港眼科醫院發言人表示，為穩定伯輝視力及減低致盲的風險，醫生建議在其右眼內注射「愛亮眼」及進行一次光動力療法，若沒有接受以上治療，視力可能會轉差。「有手有腳梗係想靠自己，我想快啲醫番好（對眼）重投社會，唔使再拎綜援，希望善長人翁幫吓我。」伯輝冀望獲善長及時施以援手，讓他在黑暗中重見曙光。

捐款編號：12550

記者：劉卓昕