立法會一個委員會尋日開會討論公務員紀律問題，有議員質疑現行紀律聆訊制度太緩慢，例如三年前嘅南丫海難，揭發多名海事處官員嚴重失職，但至今仍無人被正式處分，原處長廖漢波更加一早就退埋休，就算最後證實有犯錯，政府都「紀」佢唔到。至於先後遭審計署同立法會帳委會狠批嘅民航處處長羅崇文，亦都會喺明年退休。不過，公務員事務局局長張雲正，仲話要研究吓有冇證據同等相關刑事程序結束，先至會對有關嘅民航處同海事處官員展開紀律聆訊。政府對啲失職官員真係寬宏大量呀！
