香港福建同鄉會永遠名譽會長莊哲猛嘅細女莊莎娜（Sarah），廿幾歲已經出版一本懸疑長篇小說，又出任家族企業德福珠寶嘅設計總監，Sarah形容，自己對以上兩件事都鍾意，因此佢一邊寫小說，一邊專注設計珠寶，之不過一人分飾兩個角色真係唔容易。事關佢打算推出自己品牌嘅珠寶系列，所以近排密密畫圖設計，但有時太投入小說世界，想抽離返到珠寶世界都幾難。其實Sarah可以做自己鍾意嘅事情，認真幸運，唔知呢啲係咪叫做快樂嘅煩惱呢？
