Party Life：翩翩喜帽

每逢隆重社交場合，女士頭上唔少得一頂增添個人魅力嘅特別帽飾。沙田馬場日前舉行每年一度嘅莎莎婦女銀袋日，城中一班政商界名媛悉心挑選靚帽飾，盡展個人風采，爭妍鬥麗。不過，唔同面形要配襯唔同帽子款式，先係完美配搭。

金紫荊女企業家協會日前就請嚟本地著名造帽師教大家點樣配襯帽子及佩戴方法先至最適合自己，為該會下個月聖誕節嘅帽子派對盛會做好準備。

太子珠寶鐘錶副主席鄧宣宏雁（左起）、馬會行政總裁應家柏太太Winnie及愛沙尼亞駐港名譽領事林建康太太林黃寧艷戴住靚帽貴氣逼人。	馬會新大董楊紹信（左）嘅太太（右）係愛花之人，有經營花店業務。	「九巴後人」雷禮權（右）與太太利蘊珍雙雙獲得最佳衣着獎。
「玩具大王」蔡志明太太蔡李惠莉鍾情紅色或紫色晚裝，認為着上身後顯得特別精神。	盡展個人魅力金紫荊女企業家協會會員蔡毅明（左起）、主席彭芷君、副主席李凱琪、執行委員蔡淑娣及林曉凌即場試戴造帽師嘅作品。	德福珠寶執董莊菲娜（左）與妹妹莊莎娜面形尖尖，點襯帽都靚絕。