食物及衞生局副局長陳肇始（Sophia）早前健身時整親隻手，睇嚟手尾都幾長。早排佢出席一個活動時，隻手仲包紮緊。佢話，估計仲有幾個禮拜先好番，依家右手冇力，完全簽唔到文件，打字亦都冇力，有時要叫秘書幫手打電郵。難得Sophia仲講笑話，依家爭人錢最好，可以爭住先，否則簽支票、轉帳過數等，都怕簽得唔似，對方會唔收喎！
